En la revuo Esperantologio / Esperanto Studies referencoj al publikaĵoj kaj la bibliografioj sekvu la jenajn modelojn. Ni per tio orientiĝas laŭ la anglalingva stilo Chicago, sed adaptas ĝin al esperanta kaj internacia uzo.

La ekzemploj montras bibliografiajn informojn tiaj, kiaj ili estu en esperantlingva artikolo. Se la artikolo estas en alia lingvo, la vortoj kaj, red., En, p., eld. kaj similaj estu en la lingvo de la artikolo. La nomoj de aŭtoroj kaj redaktintoj, la titoloj de la publikaĵoj kaj la loko kaj eldonejo estu en la lingvo, en kiu ili aperas en la koncerna publikaĵo.