CED
La Centro de Esploro kaj Dokumentado pri Monda Lingvaj Problemoj (CED) laboras, ekde sia fondiĝo, por la antaŭenigo de scienca esplorado pri Esperanto kaj ties multflanka apliko por internacia komunikado kaj tutmonda interkonektiĝo. Tiucele CED prizorgas la kolektadon kaj ellaboradon de faktoj kaj analizoj pri Esperanto kaj aliaj konstruitaj lingvoj, samkiel pri la pli vasta kultura kaj poltika kunteksto en kiu tiaj lingvoj disvolviĝas kaj funkcias. Sur tiu bazo CED subtenas la disvastigon kaj evoluigon de diversaj sciencaj aliroj al interlingvistiko, lingvoplanado kaj lingvopolitiko, inkluzive de ties aplikado al la laboro de internaciaj organizaĵoj, publikaj institucioj, kaj la civila socio.
Fotita de: Gabriela Skonieczna
Agadkampoj de CED
La agado de CED nuntempe ampleksas la jenajn kampojn:
Finance kaj praktike subteni esplorojn pri interlingvistiko, lingvopolitiko kaj planitaj lingvoj
Sproni la enkondukon kaj efektivigon de politikoj por lingva justeco en multlingvaj kuntekstoj
Subteni universitatajn kursojn kaj studprogramojn pri Esperanto kaj interlingvistiko
Kontribui al la prizorgado kaj utiligo de bibliotekoj kaj arkivoj pri Esperanto kaj aliaj planitaj lingvoj
Per la principoj de terminologia scienco, kontribui al la evoluigo de la faka lingvo en Esperanto
Kion faras CED?
CED organizas konferencojn pri
Esperantologio kaj lingvopolitiko
Tio inkluzivas niajn du kernajn konferencojn: unu pri Esperantologio kaj interlingvistiko (en Esperanto) kaj la alia pri lingvoplanado kaj lingvopolitiko (plurlingve).
Legu pli pri la Esperantologiaj Konferencoj kaj Nitobe-Simpozioj
Loko
Dato
Organizas
Burno, Ĉeĥio
31a de julio 2025, de 9 a.t.m. ĝis 17:30 p.t.m.
Klaus Schubert kaj Bengt-Arne Wickström
Okazos kadre de la 109a Universala Kongreso de Esperanto
75a Datreveno de la Universala Deklaracio de Homaj Rajtoj: kiu estas la stato de efektivigo de lingvaj rajtoj?
Università di Torino, Centro Aldo Moro, Torino, Italio
28a kaj 29a de julio 2023
Michele Gazzola, Nicole Marinaro, Maria Margherita Mattioda kaj Marie-Berthe Vittoz
Loko
Dato
Organizas
CED redaktas
fakrevuojn pri interlingvistiko kaj lingvoplanado
CED publikigas du plurlingvajn fakrevuojn: Language Problems and Language Planning (kunlabore kun John Benjamins, Amsterdam) kaj Esperantologio / Esperanto Studies (kun Mondial, New York).
Legu pli pri Language Problems and Language Planning kaj Esperantologio / Esperanto Studies
Kajero 13
2024
Kajero 12
2023
Kajero 11
2022
Numero 47
2023
CED tenas vin ĝisdata pri
publikaĵoj kaj publikaj eventoj
CED publikigas dulingvan informilon kvarfoje jare: Informilo por Interlingvistoj (IpI, en Esperanto) kaj Information for Interlinguists (IfI, en la angla), kun ĝisdatigoj pri fakaj kaj eksterfakaj evoluoj rilataj al niaj agadkampoj.
Legu pli pri IpI/IfI
Informilo por Interlingvistoj 131
Informilo por Interlingvistoj 130
CED konservas
arkivojn
CED faciligis la transdonon de la plej granda Esperanto-kolekto en la mondo al la Pola Nacia Biblioteko, kaj regule kunlaboras kun individuaj kolektantoj, arkivoj kaj bibliotekoj.
Legu pli pri nia Biblioteko Hector Hodler
CED financas
Esplorprojektojn
Denaskulismo
La Bona Renkontiĝo (libere elŝutebla podkasto-projekto de Stela Besenyei-Merger) esploras la temon de denaskuleco per intervujoj kun diversaj homoj: aktivuloj, denaskuloj, kaj gepatroj rilate al la temo de edukado kun Esperanto.
Legu pli pri nia Programo por Interlingvistika Subteno
Epistemaj komunumoj
“Esperanto kaj Internaciismo, 1880-1920”, kunlabora projekto en la Lernejo pri Historio de la Universitato de St Andrews. Prof Struck. kaj liaj studentoj esploras pri fakuloj en la Esperanto-movado kiel ‘epistemaj komunumoj’, ekz. kuracistoj, arkitektoj, kaj urboplanistoj.
Lingva Justeco
Lingvo politiko influas la nivelon de malegaleco inter lingvoj. Grandaj malegalecoj estas ofte viditaj kiel fonto de konflikto. Indico de lingva justeco ebligus difini tiajn distribuajn efikojn tra tempo kaj spaco, kaj kontroli ilian evoluon, sekve konduki al agadoj por kontroli ilin.
CED proponas
mentoradon kaj gastigas asociitajn esploristojn
CED konstruas retojn kaj subtenas la laboron de junaj esploristoj, kun la celo fortigi kunlaboron inter tiuj, kiuj interesiĝas pri lingvopolitikoj kaj interlingvistiko.
Legu pli pri nia mentorada programo kaj niaj nuntempaj esploristoj
